काश्मिरी मुलींनी मराठी गीत गाऊन दिला राष्ट्रभक्तीचा परिचय : विविध धर्मांमध्ये प्रेम आणि शांतीचा संदेश देणारी शमीमा अख्तर
काश्मिरी मुलींनी मराठी गीत गाऊन दिला राष्ट्रभक्तीचा परिचय
विविध धर्मांमध्ये प्रेम आणि शांतीचा संदेश देणारी शमीमा अख्तर
बुरखा आणि हिजाब परिधान केलेल्या रुकैया आणि शमीम अख्तर या दोन काश्मिरी मुस्लिम मुलींनी मराठी गीत गाऊन आपल्या राष्ट्रभक्तीचा परिचय तर दिलाच पण कट्टरपंथीयांना जोरदार चपराक दिली.या दोन्ही काश्मिरी मुलींच्या सादरीकरणाला विश्व मराठी साहित्य संमेलन प्रेक्षकांकडून खूप दाद मिळाली. या दोन्ही मुलींच्या गाण्याद्वारे हिंदू-मुस्लिम ऐक्य वाढवल्याबद्दल दोघींचे कौतुक होत आहे.
रुकैया या मुलीने नमोकार मंत्र म्हटला तर शमीमा अख्तर हिने ‘जय जय महाराष्ट्र माझा’ गीत सादर केले.एवढेच नव्हे तर शमीमा ने पसायदान देखील सादर केले.
काश्मीरमधील बांदीपोरा भागातील रहिवासी असणाऱ्या प्रसिद्ध गायिका शमीमा अख्तर यांनी गायलेल्या एका मराठी गाण्याचा व्हिडीओ सध्या चर्चेचा विषय ठरला आहे. ९८ व्या अखिल भारतीय मराठी साहित्य संमेलनाच्या पार्श्वभूमीवर शमीमा अख्तर यांनी ‘लाभले आम्हांस भाग्य बोलतो मराठी’ हे गाणं गायलं आहे. मराठी साहित्य संमेलनाच्या इन्स्टाग्राम पेजवर या गाण्याचा व्हिडीओ शेअर करण्यात आला असून त्यात शमीमा अख्तर त्यांच्या पारंपरिक वेशभूषेत मराठी गाणं गायले.
पारंपारिक फेरान आणि कसाबा घालताना, शमीमा अख्तर काश्मिरी व्यतिरिक्त बंगाली, मराठी, कन्नड, डोगरी, पंजाबी, संस्कृतमध्ये भक्तिगीते गाते.बांदीपोरा येथील अरागम येथील रहिवासी असलेली शमीमा गेली अनेक वर्षे विविध धर्माच्या लोकांमध्ये प्रेम आणि शांतीचा संदेश देण्यासाठी गाणी गात आहे. तिच्यासाठी संगीताला कोणतीही सीमा नाही आणि तिचा असा विश्वास आहे की प्रत्येक धर्मात समान संदेश आहे.तिच्या बहुभाषिक गायनाने, तिने जगभरातील अनेक संगीत रसिकांची मने जिंकली आहेत, जरी अनेक भाषा तिला अजूनही अपरिचित आहेत.
गायिका शमीमा अख्तर या त्यांच्या बहुभाषिक गायनासाठी ओळखल्या जातात. मराठीबरोबरच शमीमा अख्तर बंगाली, कानडी, डोगरी, पंजाबी, संस्कृत आणि त्यांची मायबोली काश्मिरी भाषेत गाणी गातात. गाण्याच्या माध्यमातून समाजात प्रेम व शांततेचा संदेश देणं, हे ध्येय डोळ्यांसमोर ठेवून शमीमा अख्तर वेगवेगळ्या भाषांमध्ये गाणी गात असतात. त्यांच्या या गाण्यांना श्रोत्यांचाही उत्तम प्रतिसाद मिळत असतो. शमीमा अख्तर यांनी गायलेली भक्तिगीतंही श्रोत्यांच्या विशेष पसंतीस उतरली आहेत.
लहानपणापासूनच तिला संगीताची आवड होती. तिची आवड पाहून तिच्या पालकांनी तिला लखनऊच्या भातखंडे संगीत विद्यापीठात पाठवले जिथे तिने संगीताचे शिक्षण घेतले आणि मोहम्मद मजहर सिद्दीकीला भेटले, जे एक गायक आणि संगीतकार आहेत. मजहरला भेटल्याने तिला शास्त्रीय संगीताबद्दल अधिक जाणून घेण्याची संधी मिळाली.
ती सरहद नावाच्या एनजीओसोबत काम करत आहे जी सीमावर्ती भागात मानवता, शांती आणि प्रेम पसरवण्यासाठी काम करते जिथे ती आणि मजहर ‘गाश’ म्हणजे प्रकाश या नावाच्या बँडचे नेतृत्व करतात.
या बँडमध्ये तरुण काश्मिरी मुले आणि मुली होती जे या प्रदेशातील हिंसाचाराने प्रभावित झाले होते. गटातील प्रत्येक सदस्याला भूतकाळात अशांततेमुळे मानसिक आघात सहन करावा लागला होता आणि कुटुंबातील सदस्य गमावले होते परंतु संगीताद्वारे शांती पसरवणे हा त्यांचा हेतू होता. विशेष म्हणजे शमीमा महाराष्ट्रात राहते आणि तिच्या कुटुंबातील ती पहिलीच व्यक्ती होती ज्यांनी गायनाला आपले करिअर बनवले. तिची भावंडे देखील तिच्या पावलावर पाऊल ठेवून संगीत आणि गायनात आपले करिअर घडवण्याचा प्रयत्न करत आहेत.
काही दिवसांपूर्वी शमीमा अख्तर यांनी संतश्रेष्ठ तुकाराम महाराजांच्या जन्मोत्सवाच्या निमित्ताने ‘वृक्षवल्ली आम्हा सोयरे वनचरे’ हा अभंग स्वरबद्ध करून गायला होता. त्याचबरोबर गेल्या महिन्यात त्यांनी महावितरणच्या एका कार्यक्रमात ‘माझे माहेर पंढरीचे’ हे गाणं गायलं होतं.
या गाण्याचा व्हिडीओही मोठ्या प्रमाणावर व्हायरल झाला होता.लखनऊ विद्यापीठातून गाण्याची रितसर पदवी घेतल्यानंतर शमिमाने पुण्यातील सरदह संस्थेच्या आर्ट फेस्टीव्हलमध्ये सहभाग घेतला. काश्मिरी विद्यार्थ्यांसाठी शिक्षणाची दारे खुली करणारे सामाजिक कार्यकर्ते संजय नहार यांनी शमिमाला पुण्यात आणले. काश्मिरमधील तरुण तरुणींच्या जीवनाला आकार देण्याचे काम अनेक वर्षांपासून सरहदच्या माध्यमातून केले जाते. पंढरीची वारी पुण्यात असताना विठ्ठलाचे अभंग म्हणत तिने आपल्या आवाजाची जादू दाखवून दिली. पाहावा विठ्ठल, बोलावा विठ्ठल म्हणणारी शमिमा विठ्ठलाच्या भक्तीत तल्लीन होते. सगळ्यात आधी आपण ज्ञानेश्वरांचे पसायदान म्हटले आणि त्यानंतर माझे माहेर पंढरी म्हटले तेव्हा जगभरातून आपल्याला या दोन्हीसाठी खूप मोठ्या प्रमाणात लोकांकडून प्रेम मिळाले. त्यांची दाद माझ्यासाठी खूप प्रोत्साहन देणारी होती असे शमिमा सांगते.
डॉ. सुधीर अग्रवाल सहायक संपादक एव्हरी टाईम न्यूज लाईव्ह
संगीताला,गीत गायनाला जातीधर्माच्या भिंती अडवू शकत नाहीत.निर्भळ आनंद यातून मीळत असतो.दोघांचेही अभिनंदन आणि शुभेच्छा !