सावधान..! नागपुरात सायबर क्रिमिनल सक्रिय : नागपूरकरांची कोट्यवधींनी होत आहे फसवणूक, सुशिक्षित लोकही अडकतात जाळ्यात !
वरिष्ठ पत्रकार तथा मुख्य संपादक. Santosh Singh Lanjewar. ——————————————-
सावधान..! नागपुरात सायबर क्रिमिनल सक्रिय : नागपूरकरांची कोट्यवधींनी होत आहे फसवणूक, सुशिक्षित लोकही अडकतात जाळ्यात !
नागपूर/E T News
सायबर क्राईम ही गुन्हेगारी क्रिया आहे ज्यामध्ये संगणक, नेटवर्क किंवा सॉफ्टवेयर अशा उपकरणांचा वापर करून लोकांना लुटले जाते.
देशभरासह नागपूर शहरातही दिवसेंदिवस सायबर गुन्हेगारी वाढत आहे. गुन्हेगार फसवणूक करण्यासाठी नवनवीन युक्त्या लढवत आहेत. नुकतेच ‘डिजिटल अरेस्ट’ च्या प्रकारातील अनेक तक्रारी पोलिसांना प्राप्त झाल्या आहेत. यातून आरोपींनी कोट्यवधींची रक्कम लाटल्याचे समोर आले आहे. तेव्हा आपल्या व संपर्कातील लोकांना सतर्क करा. अनेकदा भीतीपोटी किंवा बदनामी होईल म्हणून फसवणुकीची बाब सांगितली जात नाही आणि ते अलगद जाळ्यात अडकत जातात.
नुकत्याच काही दिवसापूर्वी एका महिला एम बी बी एस डॉक्टरला या भामट्या सायबर गुन्हेगारांनी अटक करण्याच्या नावावर अडीच कोटींनी लुटले होते. पैसे न दिल्यास आंतरराष्ट्रीय गुन्हेगार घोषित करण्याची धमकी दिली होती.
आरोपी हे पोलिस, ईडी, ईक्मटॅक्स, सीबीआय अधिकारी सांगून समोरच्या व्यक्तीवर प्रभाव टाकतात. अटकेची भीती दाखवून प्रकरणाचा समझोता करण्यासाठी पैशाची मागणी करतात.
सायबर गुन्हेगार नागरिकांना पोलिस अधिकारी, ईडीचे अधिकारी, इक्मटॅक्स अधिकारी, सीबीआय अधिकारी किंवा टेलिकॉम अ‍ॅथारीटीच्या नावाने फोन करतात. त्यानंतर तुमचा फोन नंबर, आधार कार्ड किंवा पॅनकार्ड मोठ्या आर्थिक घोटाळ्यात किंवा गुन्ह्यात सापडल्याचे सांगातात. तुमचा मोबाईल नंबर अंमली पदार्थांच्या तस्करीमध्ये वापरण्यात आला असून तुमच्यावर गंभीर गुन्हा दाखल होणार आहे. यात अटक करावी लागणार आहे, अशा प्रकारची धमकी दिली जाते. तुम्हाला व्हिडीओ कॉल येईल. त्यानंतर आरोपी व्हिडीओ कॉल करतात. मोठ्या अधिका-यांशी बोला असे सांगतात. अधिका-याच्या डीपीवर तो पोलिस अधिकारी तसेच इतर विभागाचा मोठा अधिकारी असल्याचे भासविले जाते. कॉलवरून वैयक्तिक माहिती विचारली जाते. बँक अकाऊंटमध्ये अवैध मार्गाने काळा पैसा आल्याचे बनावट बँक स्टेटमेंट दाखविले जाते. बँक खात्यातील पैशांच्या पडताळणीसाठी आमच्या तपास यंत्रणेच्या खात्यात पैसे ट्रान्सफर करा. पडताळणी झाल्यानंतर २४ तासांत पैसे परत मिळेल असे सांगत पावती म्हणून कोर्टाची किंवा रिझर्व बँकेची पावती सुध्दा दिली जाते. यानंतर आरोपी अटकेची भीती दाखवतात. बनावट अरेस्ट वॉरंट किंवा आरबीआय, इन्कमटॅक्स, ईडीची बनावट नोटीस पाठवितात. यातून सुटका करायची असेल तर त्यांना पैसे किंवा मौल्यवान वस्तुची मागणी करतात आणि ते घेऊन फसवणूक करतात. यासंदर्भातील अनेक गुन्हे पोलिसांना प्राप्त झाले आहेत.
असे झाल्यास घाबरू नका, तक्रार करा नागरिकांनी सायबर गुन्हेगारांकडून आपली फसवणूक होणार नाही याची आधी दक्षता घ्यावी. उपरोक्तप्रमाणे कुणाला फोन आला किंवा फसणूक झाली तर तात्काळ न घाबरता तक्रार करा. यासाठी हेल्पलाईन नंबर १९३० किंवा संकेतस्थळावर तक्रार करा किंवा स्थानिक पोलिस ठाण्यात तसेच सायबर पोलिस ठाण्यात तक्रार करावी
बहुतेक सायबर गुन्हेगार नफा मिळविण्यासाठी सायबर गुन्ह्यांचा वापर करतात, तर काही सायबर गुन्हे संगणक किंवा उपकरणांवर थेट नुकसान किंवा लुटण्यासाठी केले जातात.
सायबर गुन्ह्यांचा प्राथमिक परिणाम आर्थिक आहे. सायबर क्राईममध्ये रॅन्समवेअर हल्ले, ईमेल आणि इंटरनेट फसवणूक आणि ओळख फसवणूक, तसेच आर्थिक खाते, क्रेडिट कार्ड किंवा इतर पेमेंट कार्ड माहिती चोरण्याचा प्रयत्न यासह अनेक प्रकारच्या नफा-चालित गुन्हेगारी क्रियाकलापांचा समावेश असू शकतो .
सायबर गुन्हेगार एखाद्या व्यक्तीची खाजगी माहिती किंवा कॉर्पोरेट डेटा चोरी आणि पुनर्विक्रीसाठी लक्ष्य करू शकतात म्हणून, बॅकअप डेटा संरक्षित करणे विशेषतः महत्वाचे आहे .
——
