जुन्या वैमनस्यातून वृद्धाची हत्या : मोहगाव येथील घटना; आरोपीला अटक
जुन्या वैमनस्यातून वृद्धाची हत्या : मोहगाव येथील घटना; आरोपीला अटक
भंडारा/E T News
पोलिस स्टेशन सिहोरा अंतर्गत असलेल्या मोहगाव (खदान) येथील एका ६० वर्षीय वृद्धाची जुन्या वैमनस्यातून निर्घृण हत्या करण्यात आली. हत्येतील आरोपीला सिहोरा पोलिसांनी अटक केली आहे. या हत्येमुळे सिहोरा परिसरात चांगलीच खळबळ उडाली आहे.
मृतक सत्यवान गायकवाड हा अंदाजे ६० वर्षे वयाचा असून घरी एकटाच राहत असल्याचे सांगितले जात आहे. त्याला दोन मुले असून ते बाहेरगावी राहतात. आज ४ आॅगष्ट रोजी सकाळी सत्यवान गायकवाड हा मृत अवस्थेत आढळून आला. त्याच्या डोक्याला जबर मार असून तो रक्ताने माखलेल्या अवस्थेत पडला होता. घटनेचे वृत्त कळताच सिहोरा पोलिसांची चमू घटना स्थळावर दाखल झाली. श्वान पथकाच्या मदतीने तपासाची चक्रे पोलिसांनी वेगाने फिरवली असता आरोपी शैलेश उईके (३५) यास अटक करण्यात आली असून गुन्हा दाखल करण्यात आला आहे. मृतकाचे शव उत्तरीय तपासणीसाठी पाठविण्यात आले आहे. घटनेचा पुढील तपास सिहोरा पोलिस करीत आहेत.
