नागपुरात दोन बांगलादेशी नागरिकांना अटक  :  नागपूर पोलीस आणि एटीएस पथकाची संयुक्त कारवाई

नागपुरात दोन बांगलादेशी नागरिकांना अटक  :  नागपूर पोलीस आणि एटीएस पथकाची संयुक्त कारवाई

नागपूर/विशेष प्रतिनिधी

नागपुरात बेकायदेशीरपणे राहणाऱ्या दोन बांगलादेशी नागरिकांना पोलीस आणि एटीएसच्या संयुक्त पथकाने अटक केली आहे. दोन्ही आरोपी बनावट भारतीय कागदपत्रे वापरून देशात राहत होते आणि भारतीय पासपोर्ट वापरून बांगलादेशलाही गेले होते. या अटकेनंतर मोठे खुलासे होण्याची शक्यता आहे,

गुप्त माहितीच्या आधारे नागपूर पोलीस आणि एटीएसच्या पथकाने इंदिरा माता नगर, कांजी हाऊस परिसरात छापा टाकला. येथून अब्दुल रफिक अब्दुल हमीद खान आणि त्याचा लहान भाऊ मोहम्मद सलीम यांना ताब्यात घेण्यात आले. त्याचे आई-वडील आणि बहीण बांगलादेशात राहतात, तर दोघे भाऊ नागपुरात बेकायदेशीरपणे राहत असल्याचे पोलिस तपासात उघड झाले आहे.

सूत्रानुसार त्याचे आईवडील अनेक वर्षांपूर्वी बांगलादेशातून भारतात आले होते आणि नागपुरात स्थायिक झाले होते. पण 2007-08 मध्ये पोलिसांनी बेकायदेशीर बांगलादेशी नागरिकांवर कारवाई सुरू केली तेव्हा ते घाबरून बांगलादेशात परतले. मात्र, दोन्ही भावांनी येथेच राहून २०१० मध्ये नागपुरात लग्न केले होते, तेव्हा तहसील पोलिसांनी सलीमला संशयाच्या आधारे ताब्यात घेतले होते, मात्र पुरेशा पुराव्याअभावी त्याची सुटका करण्यात आली होती. आता पुन्हा अटक केल्यानंतर त्यांच्या संपर्कात आणखी अवैध बांगलादेशी नागरिक असण्याची शक्यता पोलिसांना आहे. पोलिसांनी या संपूर्ण नेटवर्कचा तपास सुरू केला आहे.

—————————–

0 1 8 5 2 1